Google Analytics 4 tezliklə Universal Analytics-i əvəz edəcək!

Google Analytics 4 Universal Analytics-dən bir çox xüsusiyyətlərinə görə fərqlənir: o, bütün məlumatları toplayaraq istifadəçilərə müxtəlif şəkildə təqdim edir. Bu, çoxlarını çaşdırsa da, Google analitik sistemindəki irəliləyişlərdən xəbər verir.

Google Analytics 4-də hansı yeniliklər var? 

Uzun müddətdir Analytics-dən istifadə edən və dəyişiklikləri izləyən hər kəs xatırlaya bilər ki, Google Analytics-in ən son versiyası 2013-cü ildə “Universal Analytics” adı altında buraxılmışdı. Yeni versiyaya keçmək üçün izləmə kodu yenilənməli idi, lakin məlumatlar dəyişməz olaraq qalırdı. Google Analytics 4 ilə vəziyyət o qədər də sadə deyil, çünki o, məlumatları əvvəlkindən tamamilə fərqli şəkildə toplayır, saxlayır və təqdim edir. İnsanlar dəyişikliyi sevməsələr də, Analytics 4 istifadəçi davranışını daha yaxşı başa düşmək, vacib məlumatları daha sürətli toplamaq və hətta istifadəçi məxfiliyinə diqqət yetirmək üçün daha yaxşı bir vasitədir.

Bu dəyişiklik Google-un illərdir üzərində işlədiyi üç yeni texnologiyanın nəticəsidir. Bunlardan birincisi Google Analytics-in bir hissəsi olan Firebase Analytics adlanır. Firebase, Google-un 2014-cü ildə satin aldığı  mobil proqramların inkişafı üçün məhsul dəstidir. Praktikada bu o deməkdir ki, vebsaytlarda və yerli proqramlarda qeydə alınmış məlumatlar indi vahid formatda göstərilə bilər. Firebase Analytics istifadəçi fəaliyyətini ölçməkdə və davranışı təsvir etməkdə daha yaxşı olan data modelindən istifadə edir.

Digər texnologiya “Google Signals” adlanır ki, bu da proqram təminatının Google Accounts əsasında daxil olmuş istifadəçiləri tanıması ilə məşhur ola bilər. Bu texnologiya, Google-un auditoriya yaratmaq üçün istifadə etdiyi üsuldur. Analytics 4 isə istifadəçiləri tanımaq üçün “cookies” əvəzinə bu funksiyadan istifadə edir.

Nəhayət, üçüncü texnologiya qlobal sayt Tag-dir ki, bu da istifadəçi interfeysində dəyişikliklər edərək saytda yerləşdirilmiş kodu dəyişməyə imkan verir. Məsələn, istifadəçilərin YouTube videosunu nə zaman baxdıqlarını izləmək üçün GA4-dən istifadə edə bilərsiniz və bu funksiya Tag menecerdə heç bir dəyişiklik etmədən avtomatik olaraq veb saytınızda quraşdırılır.

Google Analytics 4 ilə bağlı problemlər nədir?

Universal Analytics sessiyalar üzərində qurulmuşdu. Beləliklə, bir kampaniyanın nə qədər trafik gətirdiyi barədə sual yarananda cavab sessiyaların sayı olurdu. Daha əvvəllər kimsə vebsaytın nə dərəcədə inandırıcı olması ilə maraqlandıqda ya sıçrama dərəcəsi, ya sessiyanın uzunluğu, ya da sessiya zamanı baxılan səhifələrin sayı bunu göstərirdi.

Lakin indi sessiya ilə bağlı kiçik bir problem yaranır: mobil proqramları istifadə etmək daha çətindir, çünki onlar ənənəvi veb-saytlardan çox fərqlənir. Veb-saytlarda doğru olan istifadəçi təcrübəsi ilə bağlı fərziyyələr mobil tətbiqlərdə eyni olmaya bilər. Məsələn, hər hansı proqramı işə salırsınız və sonra onu saatlarla açıq qoyursunuz. Bəs bu, neçə seans deməkdir? Bu halda sıçrama dərəcəsi və ya seans başına baxılan səhifələrin sayı həqiqətən faydalı bir göstəricidirmi?

Daha əvvəl qeyd olunan, hadisələrə əsaslanan məlumat modeli sorğu növlərini üç sadə komponentlə əvəz etməklə bu problemləri həll edir: hadisələr, hadisə parametrləri və istifadəçi xüsusiyyətləri. Və bu, indiyə qədər məlumatlara baxış tərzimizi tamamilə dəyişir. Bir şey baş verəndə - məsələn, istifadəçi bir keçidə klik edir - bu hadisə kimi ölçülə bilər. Parametrlər hadisələri təsvir edir. İstifadəçi xüsusiyyətləri hadisəni hansı istifadəçinin başlatdığını müəyyənləşdirir.

Səhifə baxışları və sessiyalar artıq əvvəlki qədər vacib deyil. Onlar hələ də mövcuddur, lakin əsas diqqət istifadəçilər və hadisələrə yönəldiyi üçün artıq onlardan istifadə etməli deyilsiniz. GA4-də ən vacib məlumat sessiya əvəzinə istifadəçidir. Bundan əlavə, hadisəyə əsaslanan məlumat modeli artıq sessiya tələb etməyən yeni göstəriciləri istifadə etməyə imkan verir. 

Google Analytics 4 Universal Analytics-dən daha yaxşıdır?

Google Analytics 4 Universal Google Analytics-dən əhəmiyyətli dərəcədə fərqlənir, ona görə də bir çox veb-sayt sahibləri yeni sistemə qarşıdır. Ancaq ümumilikdə aşağıdakı xüsusiyyətlərinə görə Google Analytics 4 Universal Analytics-dən daha yaxşıdır:

1. Daha çox fərdiləşdirilə bilən interfeys
2. Xüsusi hesabat üzərində daha çox nəzarət və ümumən daha detallı hesabat
3. Daha yaxşı real-vaxt datası
4. Yeni Avtomatik izləmə
5. Daha yaxşı məlumat ixracı

Platformanı indidən öyrənməyə başlamaq məsləhət görülür, çünki Google Analytics 4 2023-cü ilin iyul ayından etibarən Universal Analytics-i tamamilə əvəz edəcək!